بەرنامەی پاراستنی منداڵ

هەموو منداڵێک شایستەی ژیانێکی دوور لە توندوتیژی و ئیستیغلال کردن وخراپ مامەڵەکردنە 

بەرنامەی پاراستنی منداڵ لە ساڵی ۱۹۹۱ دامەزراوە بە ئامانجی پاراستنی مافەکانی منداڵ لە هەرێمی کوردستان لە چوارچێوەی پەیماننامەی نەتەوە یەکگرتووەکان بۆ مافەکانی منداڵ. ڕێکخراوی منداڵپارێزی کوردستان کاردەکات بۆ دابینکردنی ژینگەیەکی پارێزراو بۆ  هەموو منداڵێک، دوور لە هەموو جۆرەکانی توندوتیژی و ئستغلال کردن بە هەماهەنگی لەگەڵ ڕێکخراوە ناوخۆیی و نێودەوڵەتییەکان بۆ دڵنیابوون لەوەی هیچ منداڵێک مامەڵەی خراپ لەگەڵ ناکرێت.

پەیماننامەی نەتەوە یەکگرتووەکان بۆ مافەکانی منداڵ و هەموو ئەو یاسا و ڕێککەوتننامانەی پەیوەستە بە مافەکانی منداڵان بنەمان بۆ هەموو پرۆژە و چالاکییەکانی بەرنامەکە.

لە چوارچێوەی ئەم بەرنامەیەدا، ستراتیژی بەکارهێنراو لە پڕۆژە و چالاکییەکانی ڕێکخراوەکەدا بریتییە لە کارکردن لەسەر پڕۆژەی چاودێری و پاراستنی منداڵی ئیشکەر وبەڕێوبدرنی کەیس و پڕۆژەی گرتنەخۆ و پڕۆژەی هێڵی فریاکەوتنی منداڵ١١٦ و پرۆژەی پاراستن و پاڵپشتی دەروونی کۆمەڵایەتی بۆ منداڵانی پەنابەر بە هەماهەنگی کۆمیسیۆنی باڵای نەتەوە یەکگرتووەکان بۆ کاروباری  پەنابەران .