+964 53 330 10 40

ژمارەی تۆمار لە: بەریتانیا 22 75 102
1Z774 عێراق
L 505 کوردستان

بەرنامەى گەشەپێدانى تواناى گەنجان

دابینکردنی دەرفەتی یەکسان بەبێ جیاوازی لە ڕەگەز، نەتەوە و پابەندییە ئایننی و سیاسییەکان بۆ فێربوون و بەرەوپێشبردنی پەروەردە و تواناکانیان پێویستە لە دروستکردنی کۆمەڵگەیەکی سەرکەوتوو و رێگریکردن لە دروستبوونی ژینگەیەکی ناجێگیر  لە ڕووی ئابووری و کۆمەڵایەتییەوە.

ئەنجامدانی خولی پیشەیی و فێربوون وەک خولەکانی سەرتاشین و مۆسیقە بۆ گەنجان هەنگاوێکی گرنگن بۆ گەیشتن بەم ئامانجانە.

منداڵپارێزی کوردستان/ بەرنامەى گەشەپێدانى تواناى گەنجان بۆ دابینکردنی ئەم دەرفەتانە بۆ گەنج:

  • له‌ ڕۆژی 28 \  2  \ 2017  كۆتاییهێنا بە خولی سه‌رتاشین (ده‌لاكی ) له‌ سه‌نته‌ری چالاكی گه‌نجانی كه‌ركوك كه‌ (20) گه‌نج به‌ شێوازی تیۆری و پراكتیكی سوودمه‌ندبوون و بروانامه‌یان پێ به‌خشرا.
  • له‌ ڕۆژی 1 \ 3 \ 2017  خولی فێربوونی موزیك کرایەوە بۆ (10) گه‌نج  له‌ سه‌نته‌ری چالاكی گه‌نجانی كه‌ركوك كه‌رۆژانه‌ مه‌شق وڕاهێنان ده‌كه‌ن له‌سه‌ر ئامێره‌ جیاوازه‌كانی موزیك .
  • لە ڕۆژی 10 /3 /2017 پاڵەوانێتى شەترەنجی بۆ یانەکانى ( شێروانە ، سەرچنار ، شەهیدانى شارەزوور ، دیالە ، ڕزگارى ، کفرى ) لە هۆڵى سەنتەرى چالاکیی گەنجانى کەلار ئەنجامدا کە یەکەمجارە پاڵەوانێتییەکى لەو شێوەیە لە گەرمیان ئەنجام بدرێت ، یارییەکانى  پاڵەوانێتییەکە بە سیستەمى سویسرى بەڕێوەچوو.
  • لە رۆژى 14 /3/ 2017 لە هۆڵى سەنتەری چالاکی گەنجانی ڕانیە، کۆرێکى شیعرى بۆ خاتوونێکى بەهرەمەند بە ناوى ( ئەژین اسماعیل مامکاک) رێکخست. هاوکاتیش(هیدایەت عومەر) بە ژەنینى ئامیرى گیتار بەشدارى کۆرەکەى کرد.
  • ڕۆژی 16 / 3 / 2017 سەنتەری چالاکی گەنجانى هەڵەبجە  بە چەند بەرهەمێکی هونەری بەشدارى کرد لە ساڵیادی کیمیابارانکردنى هەڵەبجە.

منداڵپارێزی کوردستان له‌ به‌رنامه‌ی گه‌شه‌پیدانی توانای گه‌نجان له‌ ئێستادا 9 سه‌نته‌ر بۆ چالاکی گه‌نجان به‌ڕێوه‌ده‌بات له‌ شارو شارۆچکه‌کانی ( سلێمانی، که‌رکوک، هه‌ڵه‌بجه‌، ده‌ربه‌ندیخان، که‌لار، خانه‌قین، شۆڕش، ڕانیه‌ و کۆیه‌).

 سه‌نته‌ره‌کانی چالاکی گه‌نجان شوێنێكی گشتییه‌ بۆ گشت گه‌نجان به‌بێ جیاوازی بۆ كۆبوونه‌وه‌ و ئه‌نجامدانی چالاكییه‌ كۆمه‌ڵایه‌تی و ڕۆشنبیریی و وه‌رزشیه‌کان، هه‌روه‌ها به‌ڕێوه‌بردنی خولی هه‌مه‌‌جۆر بۆ گه‌نجانی کچ و کوڕ به‌ یه‌کسانی.

Leave a Reply