+964 53 330 10 40

ژمارەی تۆمار لە: بەریتانیا 22 75 102
1Z774 عێراق
L 505 کوردستان

نه‌شته‌رگه‌ری بۆ ‌حاڵه‌تی زگماگی (ناڕێکی ده‌م و لێو) ی منداڵ

له‌سه‌ر بانگهێشتی منداڵپارێزی كوردستان ڕۆژی 5/11 پزیشكی تایبه‌ت به‌حاڵه‌تی زگماكی ناڕێکی ده‌م و لێو (Cleft Lip and Palate).به‌ڕێز پرۆفیسۆر دکتۆر براین سۆمه‌رلاد  (Dr. Brian Sommerlad, Consultant Plastic Surgeon) گه‌یشتنه‌ شاری سلێمانی.

بڕیاره‌ دکتۆر سۆمه‌رلاد تا ڕۆژی13/11/2016 له‌ شاری سلێمانی بمێنیته‌وه‌ به‌ مه‌به‌ستی ئه‌نجامدانی نه‌شته‌رگه‌ری بۆ زیاتر له‌ 6 منداڵ كه‌ پێشتر منداڵپارێزی كوردستان ده‌ستنیشانی كردوون وه‌ پشكنین بۆ 56 منداڵێكی تری توش بوو به‌و حاڵه‌ته‌ ئه‌نجامبدات وه‌ هه‌روه‌ها پێنجەمین کۆنفرانسی ساڵانەی (دەمولێو کەروێشکی) له‌ ڕۆژانی  10-11/11/2016 تایبه‌ت به‌م بابه‌تانه‌ بۆ پزیشكه‌كانی قورگ و گوئ و شه‌ویلگه‌ (Maxilla) و تایبه‌تمه‌ندی تر به‌ڕێوه‌ببات.

شایه‌نی باسه‌ دکتۆر سۆمه‌رلاد شاره‌زایه‌کی نێوده‌وڵه‌تیی بواری ناڕێکی ده‌م و لێوه‌ و بۆ ساڵی پێنجه‌مه‌ که‌ ساڵانه‌ له‌سه‌ر بانگهێشتی منداڵپارێزی کوردستان و به‌ هه‌ماهه‌نگی نه‌خۆشخانه‌ی ئیمێرجێنسی / سلێمانی سه‌ردانی کوردستان ده‌کات و بۆ ماوه‌ی یه‌ک هه‌فته‌ نه‌شته‌رگه‌ری و ۆرکشۆپ بۆ پزیشکه‌کانی ناوخۆ به‌ ئه‌نجام ده‌گه‌یه‌نێت و تا ئیستا نەشتەرگەری بۆ ٨٦ منداڵ ئه‌نجامداوه‌.

Leave a Reply