+964 53 330 10 40

ژمارەی تۆمار لە: بەریتانیا 22 75 102
1Z774 عێراق
L 505 کوردستان

ئه‌نجامدانی نه‌شته‌رگه‌ری ڕاستکردنه‌وه‌ی بڕبڕه‌ی پشت

پاش ئه‌وه‌ی ڕۆژی 17 کانونی دووه‌می 2015، (دکتۆر زیاد عویدات) که‌ دکتۆرێکی ئوردونی پسپۆڕ له‌ نه‌شته‌رگه‌ری بڕبره‌ی پشت له‌ نه‌خۆشخانه‌ی چه‌می ڕه‌زان پشکنینی بۆ زیاتر له‌ 42 منداڵ کرد که‌ گرفتی خواری بربره‌ی پشت (عه‌مودی فه‌قه‌ری)یان هه‌یه‌، بۆ ماوه‌ی 5 ڕۆژ به‌سه‌رکه‌وتوویی نه‌شته‌رگه‌ری بۆ 9 منداڵ ئه‌نجامدا له‌ نه‌خۆشخانه‌ی چه‌می ره‌زان له‌ شاری سلێمانی.
شایه‌نی وتنه‌ بۆ جاری پێنجه‌مه‌ که‌ دکتۆر زیاد سه‌ردانی کوردستان ده‌کات له‌سه‌ر بانگهێشتی منداڵپارێزی کوردستان و بڕی تێچوی هه‌ر نه‌شته‌رگه‌رییه‌ک له‌ده‌ره‌وه‌ی وڵات زیاتر له‌ 30000 دۆلاری ئه‌مریکیه‌و بێبه‌رابمبه‌ر بۆ ئه‌و منداڵانه‌ ئه‌نجام ده‌درێت و له‌لایه‌ن به‌ڕێز (حاجی سه‌عد کۆڵه‌ک)ه‌وه‌ دابینکراوه‌ و به‌ هه‌ماهه‌نگی ڕێکخراوی منداڵپارێزی کوردستان و نه‌خۆشخانه‌ی
چه‌می ڕه‌زان ئەنجامدەدرێت.
ئه‌م جۆره‌ له‌ نه‌شته‌رگه‌ریی پێویستیی به‌ به‌دواداچوونی به‌رده‌وام و هه‌ندێک جار به‌ چه‌ند نه‌شته‌رگه‌ریه‌ک هه‌یه‌ تا نه‌خۆش چاره‌سه‌ر ده‌بێت و یه‌کێکه‌ له‌ نه‌شته‌رگه‌رییه‌ قورسه‌کان، (سۆما علی) یه‌کێک له‌و منداڵانه‌یه‌ که‌ بۆ جاری ده‌یه‌م نه‌شته‌رگه‌ری ڕاستکردنه‌وه‌ی پشتی بۆ ده‌کرێت له‌سه‌ر ئه‌رکی منداڵپارێز 9 نه‌شته‌رگه‌رییان له‌ وڵاتی ئیتالیا و کۆتا نه‌شته‌رگه‌ری له‌لایه‌ن د. زیاده‌وه‌ بۆی ئه‌نجامدرا به‌سه‌رکه‌وتویی.

 

Leave a Reply