+964 53 330 10 40

ژمارەی تۆمار لە: بەریتانیا 22 75 102
L 505 کوردستان

منداڵپارێزی كوردستان/ئۆفیسی هه‌ولێر خولێك بۆ مامۆستایانی كۆمه‌ڵگه‌ی شه‌قڵاوه‌ی په‌روه‌رده‌یی ده‌كاته‌وه‌

بۆ زیاتر گرنگیدان به‌ قۆناغی باخچه‌ی ساوایان  كه‌ به‌ قۆناغی دروستكردنی منداڵ داده‌نرێت  ، پێویسته‌ مامۆستا و چاودێر له‌م قۆناغه‌  به‌ڕێگایه‌كی ده‌روون دروست  هه‌ڵسوكه‌وت له‌گه‌ڵ منداڵان بكه‌ن بۆ ئه‌وه‌ی كه‌سایه‌تی  یه‌كی پته‌و  ببه‌خشن  به‌ منداڵان و  چونكه‌ منداڵ نه‌وه‌ی دوا رۆژه‌ و بناغه‌ی كۆمه‌ڵگایه‌ ، بۆ ئه‌م مه‌به‌سته‌ رێكخراوی مناڵپارێزی كوردستان / ئۆفیسی هه‌ولێر – سێکته‌ری په‌روه‌رده‌ خولێكی بۆ مامۆستایانی قۆناغی باخچه‌ی ساوایان له‌ژێر ناونیشانی پرۆژه‌ی ( خولی شیاندنی مامۆستایان و چاودێرانی باخچه‌ی ساوایانی كۆمه‌ڵگه‌ی شه‌قڵاوه‌ی په‌روه‌رده‌یی ) له‌ هۆڵی كتێبخانه‌ی كۆمه‌ڵگه‌ بۆ ماوه‌ی سێ رۆژ له‌رێكه‌وتی 22/10/2012  رۆژی دووشه‌ممه‌ كاتژمێر 9 ی به‌یانی  تاكو 12 ی  نیوه‌ڕۆ ، به‌سه‌رپه‌رشتی مامۆستا ( په‌یمان ) له‌ سێكته‌ری په‌روه‌رده‌ی رێكخراوی منداڵپارێزی كوردستان/ ئۆفیسی هه‌ولێر ، ئامانجی گشتی پرۆژه‌كه‌ش :

1.    به‌رزكردنه‌وه‌ی ئاستی زانیاری مامۆستاو چاودێر .

2.    په‌روه‌رده‌یه‌كی ده‌روون دروست بۆ منداڵان .

3.    كاریگه‌ری  رۆڵی مامۆستایان و چاودێران  له‌ دروستكردنی كه‌سایه‌تی منداڵ .

4.    به‌رزكردنه‌وه‌ی ئاستی بڕوا به‌ خۆبوون لای منداڵ  له‌ كه‌شێكی هێمن و ئارامدا  له‌ لایه‌ن مامۆستایان و چاودێران .

سوودمه‌ندانی پرۆژه‌كه‌ :

1.منداڵانی باخچه‌ی ساوایان  به‌شێوه‌ی سه‌ره‌كی  ، كه‌ پرۆژه‌كه‌  له‌ خزمه‌ت ئه‌واندانیه‌ .

2. وه‌زاره‌تی په‌روه‌رده‌ ، ئه‌ویش كه‌ مامۆستاو چاودێرانی باخچه‌ی ساوایان وه‌زاره‌تی ناو براو ئاماده‌ ده‌كرێن  له‌سه‌ر چۆنیه‌تی هه‌ڵسوكه‌وتێكی ده‌رون دروست  له‌گه‌ڵ منداڵان بۆ ئه‌وه‌ی كه‌سایه‌تی یه‌كی پته‌و ببه‌خشن به‌ منداڵان . به‌مه‌ش وه‌زاره‌ت زیاتر ده‌توانێ هه‌نگاوه‌كانی  بۆ چه‌سپاندنی سیسته‌می نوێ ی په‌روه‌رده‌ سه‌ركه‌وتوو بكات .

3. به‌تایبه‌تی مامۆستایان و چاودێرانی باخچه‌ی ساوایانی ده‌ڤه‌ری شه‌قڵاوه‌ .

جێگه‌ی ئاماژه‌ پێدانه‌ بریاره‌ له‌ داهاتوو دا ئه‌م خولانه‌ زیاتر بكرێنه‌وه‌ بۆ زیاتر گرنگیدان به‌ ئاستی په‌روه‌رده‌كردنی منداڵان له‌ قۆناغی باخچه‌ی ساوایان . و كۆمه‌ڵگه‌ی شه‌قڵاوه‌ی په‌روه‌رده‌یش ته‌واوی پێداویستییه‌كانی ئاماده‌كردووه‌ بۆ به‌رێوه‌چوونی خوله‌كه‌ .

 

 

 

 

 

 

 

 

 

 

 

 

 

 

Leave a Reply